Ndila ya u bika magulu na domboro

1. U thoma nga u ṱanzwa magulu nga  maḓi a u rothola, ane avha uri aya elela (vha vhone uri vho a tanzwa a bva).

2. vha shela magulu kha khali khulwane vha shela maḓi  o linganela u vala ṋama. Vha zwi vhee zwi vhile.

3. Musi yo no vhila, vha shela stock cube nga ngomu khalini.

4. vha bike lwa awara tharu vha tshi khou engedza maḓi arali zwi tshi ṱoḓea. vha fanela u shela muṋo na pepper vha fhungudze mulilo vha lindele muthotho u tshi  khwaṱha.

Kha Dombolo (vhurotho ho fhiswaho)

1. vha dodze tshigoḓelo tshihulwane tsha enamel nga batha kana magarini.

2. Kha vha sefe thimbanywa dzo omaho kha iṅwe ndilo khulwane vha zwi ṱanganise na maḓi a dudelaho.

3. U ṱanganisa u swika suko ḽi tshi ṱangana nahone ḽi sa nambatele kha zwanḓa. vha fhirisele suko kha tshigoḓelo tsho ḓodzwaho mapfura. vha fanela u vala nga labi vha vhea fhethu hune ha  dudela vha tendela suko uri ḽi takuwe.

4. vha  shumise khali khulwane, maḓi a 15cm kana o linganela u swika kha hafu ya tshigoḓelo tshine tsha vha na suko (musi maḓi a tshi vhilisa, ha faneli u nukadza suko kana u dzhena nga ngomu ha tshigoḓelo). vha vhee tshigoḓelo tsho ḓodzwaho mapfura nga ngomu ha khali. Vha fanela u vala nga tshitibo nahone, vho isa kha mulilo wa vhukati, u fhise vhurotho lwa awara kana u swika vhu tshi vhibva. U itela u linga arali vhurotho ho vhibva. vha dzhenisa lufhanga vhukati. Musi vhurotho ho no lugela, vhu fanela u bva ho kuna

5. vha sevhedze domboro na magulu avho. Nga nnṱha vha shele pasili vha ḓiphiṋe

• Source: foodiesofsa.com
• Translator: Nthaduleni Rolivhuwa