Vhathu vha Afrika Tshimpembe vha ḓiphiṋa nga Boerewors
Ndi lushaka lwa sosedzhi ine ya vha uri yo bva Afrika Tshipembe.
Ndi tshipida tsha ndeme kha zwiliwa zwa Afrika Tshipembe, Zimbabwe nahone zwi ya divhea u mona na Afrika.
Dzina ḽi bva kha maipfi a tshi Afrikaans boer ( mulimi) na wors (‘sosedzhi’).
Uya nga ha mulayo wa muvhuso wa Afrika Tshipembe, boerewors i fanela uvha na phesenthe dza 90 dza nama kana mapfura ubva kha nama ya kholomo, nguluvhe, nngu kana mbudzi.
Dzinwe phesenthe dza 10 dzi vha dzo itwa nga zwipaisisi na zwinwe zwithu.
U fana na dzinwe tshaka nnzhi dza sosedzhi, boerewors inga vha na tshipida tshihulwane tsha mapfura,
ya kona u vhewa na muṋo na vinegar, ya pakiwa kha lukanda lwa hone.
Kanzhi i ḽiwa na vhuswa na chakalaka.
U lugisela na u gotsha boerewors zwo no vha vhutsila ha vhudi hune ha vha na miṱaṱisano minzhi yapo, ya dzingu na ya lushaka ine ya vha hone.
Muṱangano wa mavhengele mahulwane a Shoprite u vha na muṱaṱisano wa ṅwaha muṅwe na muṅwe u itela u vhona ndugiselo ntswa dza khwiṋesa.
Muwini wa muṱaṱisano uyu u na ndugelo ya u ita uri tshibveledzwa/risipi yawe i bveledzwe na u rengiswa mavhengeleni oṱhe a Checkers shango ḽoṱhe.
Vhalani hafhu:U bika murambo
- Source: scottdunn.com
- Translator: Nthaduleni Rolivhuwa