Matshudeni a DUT vha ṱalusa zwine ḓuvha ḽa vhufa ḽa amba zwone khavho

Afrika Tshipembe, Ḓuvha ḽa Vhufa ḽi pembelelwa sa ḓuvha ḽa u elelwa na u hulisa mvelele dzo fhambanaho dzine dza vhumba lushaka lwashu.

Ṅwedzi woṱhe, hu vha na vhuṱambo ho fhambanaho u mona na shango u itela u sumbedza mvelele dzo fhambanaho dzo pfumaho, lutendo, na mvelele dza vhathu vhaḽo.

Ḓuvha ḽi ṱuṱuwedza muṅwe na muṅwe u ḓihudza nga vhufa hawe ngeno a tshi khou ṱhonifha u fhambana ha vhaṅwe.

Muhumbulo wa vhufa u fhira ḓivhazwakale; i katela vhutsila, zwiḽiwa zwa sialala, na nyambo dzine ra dzi amba ḓuvha na ḓuvha.

Nga nṱhani ha zwenezwi, matshudeni vha bvahoDurban University of Technology (DUT) vho kovhelana mavhonele avho nga ha ndeme ya Ḓuvha ḽa Vhufa kha matshilo avho.

Mavhonele avho a sumbedza vhushaka vhukati ha vhuḓiṱalusi ha muthu nga eṱhe, vhuthihi ha lushaka, na vhumatshelo vhune ha khou vhumbiwa nga vhaswa.

Dambuza, mutshudeni wa ṅwaha wa vhuvhili wa Journalism, u ri u pembelela ḽeneḽi ḓuvha zwi mu thusa u dovha a ṱangana na midzi yawe na u pfesesa vhuṋe hawe.

 Chad Coullie, mutshudeni wa Video Technology, u ri ḽeneḽi ḓuvha ḽi ṱanganya vhathu—miṱa na khonani vha kuvhangana, vha ita braai, nahone vha ḓipfa vhe tshipiḓa tsha “lushaka lwa rainbow.”

Lindo Mchunu, mutshudeni wa Graphic Design, vhari vhufa a vhu faneli u pembelelwa nga duvha lithihi fhedzi kana kha nwedzi muthihi, fhedzi vhu fanela u vha tshipida tsha vhutshilo ha duvha na duvha.

• VHALANI ZWINWE: Ndlovu u pembelela u wina tshiphuga tshawe tsha u thoma

Fiona Pillay, mutshudeni wa BTech na murado wa vhashumi vha DUT, uri kanzhi u taluswa sa “mudzulapo wa shango lothe” ngauri u funa mvelele dzo fhambanaho dza Durban, nga maanda malugana na fesheni.

O dovha a ṱhogomela uri vhuḓiṱalusi hawe ha Afrika Tshipembe vhu fhira khethululo ya mbeu.