Nḓila ya u langa mutsiko musi ṅwaha u tshi khou fhela

Musi nwaha u tshi khou fhela, u fhela ha mushumo, mutsiko wa zwa masheleni na vhudifhinduleli ha muṱani zwi nga engedza mutsiko na u sia vhathu vha tshi ḓipfa vho neta.

U tsikeledzea mushumoni lwa tshifhinga tshilapfu na zwone zwi a engedza mutsiko.

U itela u langa mutsiko, vheani phanḓa mishumo yo no ṱavhanya na ya ndeme nṱhani ha u lingedza u fhedza zwithu zwoṱhe nga tshifhinga tshithihi.

Vheani mikano i re khagala malugana na mushumo nga u di nea tshifhinga tsha u awela wo vhetshela thungo zwothe zwa mushumo.

Itani uri ni awela tshifhinga tshoṱhe ni di dzhenise kha mishumo i takadzaho i ngaho u tshimbila, u vhala kana u fhedza tshifhinga na vhafuniwa zwi vhe tshipiḓa tsha maitele aṋu.

U tsireledza u eḓela haṋu na zwone ndi zwa ndeme. U edela awara dzo edanelaho uri muvhili u awele ndi zwa ndeme vhukuma na u iledza caffeine .

Nga tshifhinga tsha vhuṱambo, humbulani uri a no ngo fanela u ṱanganedza thambo kana vhuḓifhinduleli vhuṅwe na vhuṅwe na vhune ni nga si vhukone.

•  VHALANI ZWINWE: Fhethu ha u awela mafheloni a vhege husa duri Afrika Tshipembe

Arali mutsiko wa thoma u kwama vhutshilo haṋu ha ḓuvha na ḓuvha, humbulani nga ha u amba na vhaḓivhi vha zwa mutakalo kana wa mutakalo wa muhumbulo.