Tsumbadwadze dza cancer ya ḓamu dzine wa sa fanele u dzi nyadza

 Ṅwedzi wa Tshimedzi ndi wa fulo la cancer ya Maḓamu, u sumbedza cancer  ya maḓamu sa mbilaelo khulwane ya mutakalo Afrika Tshipembe.

Cancer dzi fhiraho nthihi kha nṋa dzine dza wanala kha vhafumakadzi vha Afrika Tshipembe ndi cancer ya maḓamu, ngeno vhafumakadzi vha ṱoḓaho u vha muthihi kha vha 27 vho sedzana na khombo ya vhutshilo hoṱhe ya u vha na vhulwadze.

Naho khombo i tshi engedzea musi muthu a tshi khou aluwa, vhafumakadzi vhaṱuku na vhone vha nga kwamea.

Zwiga zwine wa tea u zwi dzhiela ntha zwi katela tshilonda kha ḓamu kana kha gwakwa, tshanduko kha vhuhulwane kana tshivhumbeo tsha ḓamu, u tsukuluwa ha damu, u zwimba, u rembuluwa ha ḓamu, zwilonda kana u bva zwithu zwi songo ḓoweleaho, hu tshi katelwa na u bva malofha.

Vhuṱungu ha maḓamu vhu sa fheli. Hedzi tsumbadwadze adzi dzuli dzi tshi khou sumbedza cancer, sa vhunga shanduka ha dzi hormone zwi tshi nga vhanga tsumbadwadze dzine dza fana.

Vhanna vha nga dovha vha vha na cancer ya ḓamu, naho i songo ḓowelea vhukuma.

Vha fanela u sedza uri huna zwithu zwine a zwingo dowelea , u shanduka ha maḓamu, u bvisa zwithu, u shanduka ha lukanda kana u zwimba  fhasi ha magwakwa.

• VHALANI HAFHU: Makgalwa o bvukulula uri Chiefs yo kundelwa ngani u mu wana

U ḓiṱola ṅwedzi muṅwe na muṅwe zwi nga thusa vhathu u vhona tshanduko dzi songo ḓoweleaho, fhedzi u ṱoliwa ha zwa ngalafho ha phurofeshinaḽa hu kha ḓi vha ha ndeme.